خمس فوائد صحية لأكل الألياف

اكل الالياف من الحاجات المهمة جدا اللي لازم ندخلها دايما في نظامنا الغذائي وناكل الاكلات اللي بتحتوي على نسبة الياف عالية لانها مفيدة جدا صحيا وبتحمي الجسم من كتير من الامراض ..

* الاكلات الغنية بالالياف:
في نوعين من الالياف:
* الالياف القابلة للذوبان: ودي موجودة في الشوفان والتفاح والفول والبسلة والفواكة الحمضية زي البرتقال والجزر والشعير والالياف دي بتدوب في الجسم وبتكون مادة هلامية بتساعد على خفض نسبة الكوليسترول.

*الالياف الغير قابلة للذوبان: موجودة في الخضروات بشكل عام  ودقيق القمح والمكسرات والبقول والبطاطس والنوع ده من الالياف بيحسن حركة الامعاء ووظايف الجهاز الهضمي.

* وفي اكلات تانية غنية بالالياف زي الموز والتوت والفراولة والكمثرى الخوخ والفشار والبطاطا الفواكة المجففة السبانخ البروكلي العدس البسلة الفاصوليا الناشفة واللفت والبنجر والكرنب والخرشوف وصلصة الطماطم والحبوب الكاملة زي الارز البني والخبز الاسمر او المصنوع من الحبوب الكاملة.

 الفوائد الصحية لاكل الالياف:
1- بيساعد على انقاص الوزن:
من الفوايد المهمة جدا لاكل الالياف انه بيساعد على التخسيس وانقاص الوزن لو دخلتيه في نظامك الغذائي واخصائيين التغذية حددوا نسبة الالياف اللي لازم تحصلي عليها يوميا انها تكون مش اقل من 30 جرام في اليوم واتعملت دراسة حديثة اثبتوا فيها ان اكل الالياف يوميا بيساعد على تخسيس الوزن بشكل اكبر واسرع من انظمة الرجيم او الحميات الغذائية الصعبة زي الحميات اللي بتعتمد مثلا على تحديد نسبة السعرات الحرارية او الدهون او السكريات او الملح لان الالياف بتمنع الجسم من امتصاص بعض السعرات الحرارية اللي ممكن تكتسبيها من الاكل لانها بتتحد مع الدهون والسكر في خلال دورتهم جوه الجهاز الهضمي وده بيقلل من عدد السعرات الحرارية اللي بياخدها جسمك وبالتالي بتساعد على التخسيس وانقاص الوزن

2- الحفاظ على وزن صحي مع الوقت:
الالياف مش بس بتساعد على التخسيس وانقاص الوزن لا بتعمل اكتر من كده كمان الدراسات اثبتت انها بتحافظ على الوزن الصحي والمثالي وبتخلي الجسم ميكسبش وزن زايد تاني يعني لو حافظتي على اكل الالياف في نظامك الغذائي ده هيخليكي تحافظي على وزنك مثالي على طول ووزنك مش هيزيد تاني بعد ما تخسي ..

3- تقليل الاصابة بمرض السكر:
الالياف بتقلل من خطر الاصابة بمرض السكر والدراسات اثبتت ان الاشخاص اللي بياكلوا الياف يوميا بنسبة اكتر من 26 جرام في اليوم دول بتقل عندهم نسبة الاصابة بمرض السكر بنسبة 18% مقارنة مع الاشخاص اللي بياخدوا الالياف بنسبة اقل من 19 جرام في اليوم واثبتت الدراسات ان ده سببه ان الالياف بتحافظ على توازن نسبة السكر في الدم ..

4- تقليل الاصابة بامراض القلب:
من الفوايد المهمة جدا من اكل الالياف هي انها بتقلل من خطر الاصابة بامراض القلب لو اكلتي يوميا 7 جرام بس من الالياف ده بيقلل الاصابة بنسبة 9% وده بيرجع ان الالياف بتمنع زيادة نسبة الكوليسترول الضار في الجسم وبالتالي ده بيحمي القلب من انسداد الشرايين

5- بتقلل من خطر الاصابة ببعض امراض السرطان:
الالياف بتقلل بشكل فعال جدا من خطر الاصابة بامراض السرطان لو اكلتي 10 جرام من الالياف في اليوم ده بيبقى قصادهم تقليل من خطر الاصابة بسرطان القولون بنسبة 10% زيهم وبيقلل من خطر الاصابة بسرطان الثدي بنسبة 5% واثبتت الدراسات ان الالياف غير انها غنية بالمواد المضادة للسرطان هي كمان غنية جدا بالمواد المضادة للاكسدة والمواد الكيميائية النباتية ..

مقالات ذات صلة:

• أكلات هامة للحامل لنمو الجنين في الشهور الاولى
• اهم 6 فوائد للشوربة حصريِاً
• 4 طريق طبيعية ‏لاظافر‬ صحية وقوية
• الموز وفوايده
• وجبات مفيدة للبشرة
• نصائح تهمك لنظام غذائي صحي في رمضان
• 6 فوائد لتناول التمر في رمضان
• خطوات بسيطة لتنعمي بحياة هادئة