الكذب ملوش رجلين ” الجزء الثانى “

خالد سمع كلام صاحبه وخطب بنت بجد لكنه استمر فى علاقته مع البنت دى لمدة طويلة وطول المدة دى خالد حاله اتحسن شوية ولكن هو مبيحبهاش وخايف يظلمها معاه ، لكن البنت أتعلقت بيه جدا وهو ده اللى كان مضايقة وعشان كده خالد اضطر تانى انه يلجأ :: للكذب ::

عشان يبعد عن البنت دى قالها ان هو عندة مرض خطير جدا وممكن يموت فى اى لحظة وهو شايف انه برضوا بيكذب ( كذبة بيضة )

لكن خالد فاكر ان ده كان الحل والبنت اتمسكت بيه اكتر اولا عشان حبته بجد من كل قلبها ، وثانيا عشان كان من الممكن تكون هى مكانه او حد من اهلها ومع الاسف ده مفرحش خالد بالعكس اصبح يبحث عن كذبه تانيه وتالته عشان يخرج من العلاقة ودى ومعرفش بس جه الوقت اللى يواجه فيه البنت بالحقيقة ويقولها انا مش بحبك وخطبتك مصلحة وكنت متفق مع واحد صاحبى ان انا اخطب اى بنت عشان تنسينى اللى انا فيه اه انتى نسيتنى اللى انا فيه من كتر ما قعدنا مع بعض ، من كتر ما اتكلمنا فى التليفون ، من كتر ما خرجنا سوا لكن كل ده بعمله عشان عقلى عاوز كده بس مع الأسف قلبى ضد ده وسامحينى انا بنسحب

البنت اتفاجئت من انه كذاب كبير واتدعى على نفسه بالمرض والموت وزعلت جدا من نفسها وحست ان الحب الحلال اللى فيه ( دخول بيت من الباب ) اللى اصبح ليس له قيماً فى عصرنا دلوقتى بسبب افعال الشباب ضاع بسهولة

بس من متخيل كل شخص بيقرأ القصة هل ترضى لنفسك ، لأختك ، لبنتك ، تكمل مع شخص زى ده ؟

اهلها لما عرفوا انه كذاب خافوا على بنتهم جدا وقالوا ليه كل شئ قسمه ونصيب وانت ان شاء الله هتلاقى احسن من بنتنا كتير ومع ذلك ! ؟؟

البنت فضلت متعلقة بخالد طالما اكتشفت ان وجودها فى حياته غير منه على كلامه وان هو اصبح افضل ولو قليل ، بالرغم انه كذب عليها هى شخصياً بس مبدأ ( اليأس ) اصبح مرفوض واهلها وصحابها وكل حد قريب منها  رفضوا تماماً استمرار العلاقة دى مع شخص كذب عليها اكتر من مره وعايز يسيبها لأى سبب من اسباب ومش عارف يحبها .

خالد استغرب جدا ان فيه حد كده فى الزمن ده وعشان كده رجع لصاحبه ( صاحب الاقتراح ) اللى قاله اخطب عشان تقدر تتعالج ، وسأله قاله انا اتعالجت شوية بس مش قادر اكمل مع انسانه مبحبهاش وعايز اسيبها وحاولت ومعرفتش الحل ايه ؟

صاحبه قاله انا مش هقولك المثل المعروف ” خد اللى بيحبك ومتاخدش اللى انت بتحبه ” لكن طالما لقيت ان فيه تغيير فيك بدأ يظهر ولقيت ان هى بتحبك بجد وبتخاف عليك واتمسكت بيك حتى بعد ما اتحدت اهلها واخواتها وصحابها وكل اللى تعرفهم عشانك , صدقنى يا خالد عمرك ما هتلاقى ولد او بنت كده فى الزمن اللى احنا فيه ده

خالد فكر فى الموضوع مره واتنين وتلاته واستشار اهله وشاف ان كلام اهله نفس كلام صاحبه وان الحل الوحيد من انه يعالج نفسه فى موضوع الكذب ده انه يلاقى حد بيحبه بجد وبيخاف عليه يحاول يخرجه من المود اللى هو فيه ويحاول يعلاجه مقابل لا شئ ولا ” مصلحة مادية ” ولا اى حاجة تانية

مش شرط تخطب وتتجوز وتحب عشان تخرج من حالتك السلبية اللى انت فيها يا قارئ القصة اى كانت ايه حالتك السلبية ( الكذب , الغرور , الشك , الاستفزاز ) اهم حاجه انك تكون اولا من جواك عاوز تتغير وتانى حاجه انك بجد تدور على شخص ايجابى يغير منك للأحسن وده مش عيب

مقالات ذات صلة:

• الكذب ملوش رجلين ” حقيقة “
• للبنات وضع خاص
• جيل ملوش ملامح
• هو انا تقريبا حبيتها
• حكايه بنت توفت , اقراوها للاخر
• اختلافك سر حبى ليكى
• سـأكـسر جـبروت الـدنيـا بـإبـتسامـة .
• افتكاسات وجنون العرب