افضل ماسكات العسل لحل مشكلات البشرة

العسل من الحاجات الطبيعية المفيدة جدا للبشرة والميزة فيه انه مناسب لكل انواع البشرة لانه مغذي ومرطب للبشرة وبيحافظ عليها صحية ونضرة ويعتبر علاج فعال لحب الشباب والوقاية منه ده غير ان فيه مكونات مهدئة لالتهابات واحمرار البشرة يعني هيحل لك اي مشكلة في بشرتك ..

* ماسك العسل للبشرة الدهنية:

عشان نخلص البشرة من الزيوت الزيادة هنخلط كمية متساوية من العسل مع جل صبار الالوفيرا ونضيف عليهم نص معلقة صغيرة كركم ونقلب الخليط مع بعضه كويس ونحطه على البشرة ونسيبه 20 دقيقة وبعدين نغسله..

* ماسك العسل لعلاج البقع السودا :

الماسك ده مفيد جدا لعلاج البقع السودا والندبات “اثار حب الشباب” اخلطي كميات متساوية من العسل وعصير الليمون وحطي الخليط على بشرتك وسيبيه نص ساعة بالنسبة لعلاج البقع ولو عندك ندبات على البشرة ممكن تسيبيه فترة اطول..

* ماسك العسل للبشرة الجافة:

الماسك ده يعتبر مرطب فوري للبشرة الجافة ممكن تستخدمي العسل لوحده كغسول للبشرة بلي بشرتك بالمية وجيبي العسل ودلكي بيه البشرة وهي مبلولة لمدة دقايق وبعدين اغسلي البشرة بمية دافية.
وممكن تعمليه بطريقة تانية هتجيبي معلقة عسل كبيرة وتخلطيها مع معلقة كبيرة من زيت جوز الهند وحطي الخليط على بشرتك وسيبيه ربع ساعة وبعدين اغسلي البشرة وكرري الماسك مرتين في الاسبوع الماسك ده مرطب وكمان بينضف مسام البشرة بعمق..

* ماسك العسل لعلاج حب الشباب:

اخلطي 2 معلقة كبيرة من عسل النحل مع معلقة صغيرة من جوزة الطيب وحطي الخليط ده على بشرتك وسيبيه ربع ساعة الماسك ده مفيد جدا للبشرة اللي بتعاني من حب الشباب لانه مكوناته فيها خصائص مضادة للجراثيم عشان كده الماسك ده يعتبر علاج ووقاية من حب الشباب..

مقالات ذات صلة:

• اربع وصفات من الخيار لجمال بشرتك
• 5 اسرار جمالية لمكعبات الثلج
• سر الكركم وراء نضارة بشرتك
• ماسكات سحرية من القهوة للبشرة
• القهوة علاج للعين
• فوائد زيت الجوجوبا
• وصفات سحرية لتقشير البشرة
• ماسكات العسل الأسود