احببتها ولكن فى صمت

ساره كانت على طول بتشوف اصحبها بيتكلمو عن الشخص الى بيحبوه
(الى حببها عملها كذه والى حببها جبلها كذه )

وفيوم سمعت صحبتها ندى وهى بتقول :
اسكتو يا بنات انا حبيبى امبارح جابلى شوكلاته من الى بحبها وكنت طيره من السعاده

و اسماء صحبتها رده :
وأنا حبيبى امبارح طول الليل كان بيكلمنى ومسبنيش لحظه عشان كان يوم اجازته

فقررت عشان تتقرب من البنات دى انها تقول انها بتحب واحد عشان تفتح كلام ويقربو منها

شافت واحد من بعيد قالت فى نفسها ده الى هقول انه حبيبى
واتكلم عليه قدمهم عشان ميحسوش انى غيرهم وانى مبحبش حد

ساره كانت مبتكرهش الحب بس موقعتش فيه قبل كده
او بمعنى تانى بتخاف منه فقررت انها هتقول كده بس قدام الناس عشان محدش يقولها ليه محبتيش؟

المهم ساره قالت لاصحبها انا بحب الانسان الى هناك ده وطبعا مصدقوهاش
وصحبتها الاوله : قالتلها بطلى كدب بقى علشان جهنم بتشيل اليومين دول كتير
وصحبتها التانيه : قالتلها انتى عيانه ولا ايه فجأه كده ؟ شكلها بتشتغلنا

وفجأه حصل الى مكنتش تتوقعه وهى بتكلم وبتحكى لاصحبها انه بيحبها وبتحبه
سمعها وقرب عليهم وقبل ميقول انا مش فاهم حاجه منكو مين دى الى بتحبنى

مسكت ايده وجريت بعيد عن اصحبها
وقلتله ارجوك متقولش انك مبتحبنيش ومتعرفنيش
عشان اصحابى وعشان مطلعش كدابه قدمهم  

زعق فى وشها وقلها انتى غبيه ؟
اتفضلى روحى دلوقتى قوليلهم انك بتهزرى وانك متعرفنيش اصلا
سكتت وعنيها كلها دموع وراحت عشان تقولهم

صعبت عليه وقلها انا موافق امثل انى حبيبك قدام اصحابك بس على بشرط ؟
اى حاجه هقولك تعمليها تنفذيها من غير نقاش

خافت وقالت فى سرها قصده ايه بالجمله دى ؟
موفقه موفقه

وبعدها قالت
كده كده مش هيعرف يوصلى ولا يوصل لاصحابى فملهاش لازمه اقلق القلق ده كله

وفى يوم وهى مع اصحبها جهم يقوللها حبيبك جه اهو وبينادى عليكى
اندهشت وخافت ليكون جاى يقول لصحبها انها كدبت عليهم
لقته بيقولها  يلا عشان اوصلك
مشيت وسألته انت عايز منى ايه ؟
وايه معنى جمله تعملى الى اقولك عليه من غير ما تنقشينى دى ؟ وهى بتزعق فى وشه

رد عليها  بكل برود اهدى
انا مش جوايا حاجه وحشه ليكى
وانا اما قولتلك متناقشنيش يعنى متفكريش لان تفكيرك مبحبوش
ذى الى فكرتى فيه دلوقتى كده انتى فكرانى ايه ؟

مشيت وهى عماله تفكر طيب هو وافق ليه انه يعمل انه حبيبى قدام اصحابى؟؟؟
يا ترى يكون بيحبنى لالالالا معتقدش ده انسان مغرور انا مش هفكر فى الموضوع ده تانى 

المهم دلوقتى ان محدش هيقولى انتى محبتيش حد ليه تبقى وحشه او مبتحسيش او غريبه
او مش زى باقى البنات

بدأت تفكر وتقول لنفسها انا ايه الى عملته ده؟ كل ده عشان مبقاش مختلفه عنهم
طيب هو ليه بيساعدنى ؟ يا ترى هو معجب بيا  ؟ ولا افتكر انى بنت سهله  ؟ يوووه بقا 

وهى بتفكر فى كل ده لاقيتو  يبصلها وبيضحك
اتعصبت وقلتله انت بتضحك على ايه ؟؟؟؟؟ 

رد عليها وقلها : اصل اول مره اشوف واحده حلوه اوى كده وهى متعصبه اتعصبت اكتر
وبقت تمشى بسرعه  قدامه
عدت الايام وجه فى يوم قعد يوم واتنين وتلاته مبتشفوش


استغربت واخر ما زهقت قررت تسأل هى عليه من بعيد لبعيد
وعرفت انه تعبان اوى ومشغول الايام دى
فا اول مشفته قعدت تتكلم كتير معاه وتضحك وتهزرعشان تحاول تخفف عنه

بصلها بستغراب وقعد يضحك وقلها : انتى مالك النهارده يا هبله فيكى حاجه ؟
فرحت اوى انه ضحك وانها خففت عنه وكل ده وهى مبتحبوش ومعتبراه انسان عادى 

فجأه لقت انها بقت  بتفرح لما بتشوفه قلقت وقالت لنفسها لالالا انا مش بحبه ده انسان مغرور وبارد
 انا اكيد بيتهيألى بس 

وفيوم صحيت وقعدت تكلم فى نفسها
هو انا بفرح ليه اوى كده لما بشوفه بيضحك ؟؟
هو انا ليه قلبى بيدق اوى كده اول لما يكلمنى ؟؟

انا شكلى بحبه بجد ولا ايه ؟
انا هروح اقوله والى يحصل يحصل
وقررت انها هتروح تعترف ليه اول متشوفه الصبح

شفها الصبح وحس انها متغيره
قلها مالك شكلك عايزه تقولى حاجه؟
ومن جواها بتقول لااااا متقولوش

* قامت قيلله انا بحبك *
ومن جواها بتقول لااااااااااااااااااااااااا انا بقول ايه
بصتله وهى فاكره انه هيقولها وانا كمان بحبك

رد عليها بكل غرور بتحبينى ؟
ومن جواه فرحان انه سمع الكلمه دى منها لانه هو كمان بيحبها

انتى اكيد بيتهيالك
انتى تعرفى يعنى ايه حب اصلا ؟
انتى فهمه الحب غلط واكيد مش قصدك تقولى انك بتحبينى

صرخت فى وشه وعنيها كلها دموع
ااااااااااااه بحبك ومش عرفه يعنى ايه حب
ومش قصدى اقول حاجه تانيه

رد عليها وقلها خلصتى كلام؟ وقلبه موجوع من جواه

* قلتله اه*
قلها طيب امشى دلوقتى وروحى نامى عشان انتى بدأتى تخرفى
اتصدمت من كلامه وفضلت تعيط ومقدرتش تمسك دموعها قدامه وجريت

وهو مشى وقلبه وجعه مش عوزها تتعلق بيه اوتحبه رغم انه بيحبها
بص لاقاها رجعت ليه تانى وعنيها كلها دموع
قلها نسينتى تقولى حاجه ؟

قلتله اه انت غبى وحمار ومبتحسش ومبتفهمش ومغرور
بس انا هحاول اعمل اى حاجه عشان اثبتلك انى بحبك بجد

ضحك وقلبه بيدق من كتر الفرحه
وقلها طيب ابقى ورينى واثبتيلى ده
فرحت رغم انه كسر قلبها بس فرحت ان فى فرصه انها تثبتله انها بتحبه بجد 

قابل واحد صحبه وهما مشيين وعرفهم ببعض وراح يتكلم فى الموبيل
راحت (ساره) سألت صحبه هو انتو اصحاب بجد ؟ 

رد عليها وقلها احنا نعرف بعض من زمان اوى واكتر من اخوات كمان
قلتله طيب انا عايزه اتكلم معاك ممكن قلها ممكن واتفقو

فرحت واول لما روحت
كلمت صحبه وقلتله انا بحبه بس هو معرفش لكن قلى لو اثبتيلى انك بتحبينى
زى مقولتى هرد عليكى
رد صحبه وقلها انا هروح اتخنقلك معاه ازاى يقول لحد بيحبه كده ؟

ردت عليه وقلتله لاااااا انا مش عيزاك تتخانق معاه انا عيزاك تسعدنى ابقى فتات احلامه
صحبه اندهش وقلها هو فى حد كده دلوقتى
ضحك على اصررها وقلها خلاص وانا هسعدك

رحله اكنه بيكلمه عادى وفى نص الكلام قله هو ايه مواصفات فتات احلامك ؟
رد عليه وقله مفكرتش فى الموضوع ده قبل كده بس انا بحب البنت المثقفه اوى
اتصل صحبه بيها وقلها بيقول بيحب البنت المثقفه

ساره جمعت كل الكتب واشترت نظاره
والصبح وهى بتقبله زى كل يوم شفها ماسكه كتب كتير ولبسه نظاره
ضحك من جواه وقلها بكل برود انتى ايه الى انتى عملاه فى نفسك ده ههههههه
وخد النظاره منها ولبسها وهو من جواه بيقولها انتى احلا وحده فى عنيا يا حماره افهمى

اتغاظت وراحت لصحبه وقلتله انا فشلت فى دى
صحبه قلها عادى نجرب الى بعدها
هو قال انه بيحب البنت الكيوت حولى متبقيش شريره قدامه

رحتله وهى بتتكلم بصوت واطى عشان يشوفها كيوت
ضحك اول لما شفها وقلها انتى تعبانه ولا حاجه مالك هديه انهارده اوى كده ؟؟؟

اتغاظت منه وحست انه مفيش اى تغيير بيعجبه
راحت لصحبه وقلتله انا اسفه بس خلاص انا قررت انساه او اكرهو ومشيت

صحبه صعبت عليه البنت انها بتحبه اوى كده وفكر فى فكره انه
يجمعهم ويقولهم عيزكو فى موضوع

جمعهم
وقله انا بحبها هى سكت وهى مش فهمه حاجه
وهو بيسمع وهو مصدوم من جواه
رد على صحبه وقله انا مالى بالكلام ده كله ؟

قله يعنى احبها ؟؟؟
(سامح) فهم ان صحبه بيعمل كده عشان يسمعها انو هيقولها بحبك
* وكانت الصدمه من سامح فى رده قدام ساره *
طب متحبها

ساره الدموع بقت بتنزل من عينها ومش عرفه ترد
وصرخت فى وش صحبه وقلتله انا عارفه انت عملت كده ليه
بس قلتلك انه انسان بارد ومبيحسش وانى كرهتو متعملش حاجه تانى بقاااااااااا

وجريت وقلبها وجعها والدموع عماله تنزل من عنيها
مشى وراها من غير متاخد بلها
وهى عماله تعيط

وراح موقفها وقلها انتى كرهتينى بجد؟
وكله غرور من جواه وواثق انها بتموت فيه عشان عملت كل ده
ردت والدموع نزله من عنيها ااااااااه كرهك

ضحك ومسح دموعها
وقلها انا اسف انى خليتك تعيطى كتير بس انا بحب اشوفك مجنونه كده على طول

*  كنتى بتقولى انى غبى ومبحسش *
انتى الى غبيه : لانك مفهمتيش انى بحبك
و انتى الى مبتحسيش : عشان محستيش انى شيفك احلا بنت فى الدنيا 
و انتى الى مغروره : لانك بتحبينى الحب ده كله وفهمه انى مبحبكيش ربعه 

ضحكت ومسحت دموعها وقلتله نسيت انى قلت انك حمار

ضحك ضحكه طويله وقلها فى دى انتى عندك حق فيها
لانى خليتك تعيطى كل الفتره دى

فــــــــــــــــرحـه

مقالات ذات صلة:

• الحـب والـقهـوة الـمالحـة .
• حـبتـة بس في النهاية هذا قدر .
• حب على الورق
• حب الانترنت
• الحب مش بالسن !
• كتابات رومانسية روعة 2016
• الحب الصادق لــ أسماء عبدالله
• ولكني عاشقة