نصائح تهمك لنظام غذائي صحي في رمضان

بما ان رمضان خلاص بعد 15 يوم كل سنة وانتوا طيبيين ورمضان كريم على الجميع وكلنا طبعا بنتخن في رمضان بسبب الاكل الكتير والحلويات ومش بنرحم نفسنا 😀
شهر رمضان الكريم تقدري تستفيدي منه مش بس للعبادة ولمه العيله والاصحاب لكن كمان تحافظي علي رشاقتك ومتكسبيش اي وزن وكمان تاكلي اكل صحي ومفيد بمعني أدق إزاي ممكن تعملي رجيم رمضان!

السنه دي عدد ساعات الصيام اطول من اي سنه فاتت عشان كدا الجسم هيفقد الكثير من الاملاح والمعادن عن طريق العرق والبول وعشان تعوضي لازم تشربي سوايل كتير وعصاير بس تكون فريش وطبيعية من غير سكر او عسل بين الفطار والسحور ..

أهم 6 نصائح علي الفطار:

1- ابعدي عن شرب المية الساقعه او الشرب بسرعه ثم الهجوم علي الاكل دفعه واحدة دون اعطاء فرصه لتنبيه المعدة دا بيسبب تخمه وتقلصات في المعده والغريب ان العادات دي بتزيد من الوزن .

2- ابعدي عن الاكل الدسم او المحمر او المسبك والمياه الغازية لانهم بيأخرو الهضم ويسببوا الانتفاخ .

3- ابدئي الافطار بطبق شوربه خضار دافئه تهيئ المعده وتهديها وشريحه لحم او طيور او سمك مسلوق او مشوي مع طبق صغير من الرز او المكرونه او الخضار السوتيه وطبق الخضار الكبير اساسي علي الفطار .

4- تقدري تاكلي قطعتين من لقمه القاضي او القطايف بس بدون سكر او عسل خفيف .

5- اتمشي كل يوم لمده نص ساعه بعد الفطار.

6- كمان تقدري تاكلي بطيخ مع جبنه خاليه الدسم وملحها خفيف بين الفطار والسحور .

أهم 7 نصائح علي السحور:

1- تجنبي ارهاق الصيام وكلي اطعمه بطيئه الهضم الي بتحتوي علي الكربوهيدرات زي الشعير والفول والعدس والشوفان وبلاش ملح او توابل كتير عشان بيسببوا عسر الهضم .

2- وعشان متحسيش بالجوع في نهار رمضان كلي البطاطس المسلوقه بقشرتها بدل البطاطس المقليه بدون اي اضافات هتحسسك بالشبع ومش هتزيد من وزنك .

3- ابعدي عن الاكل الحار والمقلي لان سعراتهم الحراريه عاليه.

4- لو كنتي من الناس الي متعودة علي شرب المنبهات والكافيين بكثرة فإعلمي ان الكافيين بيزود عدد التبول وبالتالي فقدان المزيد من الاملاح والمعادن وبالتالي احساسك بالعطش هيزيد الاحسن انك تستبدليه بكوب شاي اخضر لانه بيساعد علي حرق الدهون.

5- قللي الدهون والزيوت والمقليات والنشويات والحلويات والفاكهه السكريه في السحور واستبدليهم بطبق خضار كبير او الفاكهه الغير مسكره زي الجوافه والبرتقال والتفاح والكمثري والخوخ وكمان المشمش ده هيساعدك علي الشعور بالشبع لانها مليانه الياف الي بتساعد المعده علي الاحتفاظ لاطول وقت ممكن بالسوائل الفاكهه دي سعراتها الحرارية قليله.

6- تقدري تاكلي زبادي بدون اضافات .

7- ابعدي عن تناول السحور قبل النوم علي طول اقل حاجه ساعتين لتتجنبي ظهور البطن مع الوقت.

شات ع القهوة | الصفحة الرئيسية لموقع ودردشة ع القهوة

نصائح تهمك لنظام غذائي صحي في رمضان

مقالات ذات صلة:

إرسال التعليق إلغاء الرد

مقالات ذات صلة:

ازالة حب الشباب بطريقة فعالة ومضمونة

امثال انجليزية – ع القهوة

إرسال التعليق إلغاء الرد