سبع اسرار لجمالك من مختلف انحاء العالم

طول الوقت واحنا بنتفرج على المسلسلات او الافلام على بنستغرب اوى لجمال شعر الهنود و رشاقة البنات فى المسلسلات الكورى و نضارة بشرتهم و جمالهم فى المسلسلات التركى و غيره هنعرف في موضوعنا اسرارهم و حيلهم للحفاظ على رشاقتهم و جمالهم بالطريقة دى ..

البرازيل: دقيق الشوفان لعلاج حروق الشمس:
بما اننا دلوقتى فى عز الصيف و ده موسم المصايف تقريبا كلنا بنرجع من المصيف جلدنا مسمر و مقشر بسبب حروق الشمس و ساعات كتير الsunblock مابيبقاش كفاية واحدة من الطرق المعروفة لمعالجة حروق الشمس فى البرازيل هى استخدام دقيق الشوفان و ده لانه بيحتوى على معادن و فيتامينات كتيرة و مفيدة جدا لجسمك و بشرتك فى البرازيل بيجيبوا قطعة من الشاش الطبى و يحطوا فيها شوية من دقيق الشوفان و يربطوها كويس و بعدين بيثبتوها على حنفية البانيو بحيث تكون المياة نازلة على الشاش سيبيى البانيو يتملى بالمياة المختلطة بدقيق الشفان و افضلى فى البانيو لمدة مناسبة الحمام ده حلو جدا و هيهدى و يلطف بشرتك بسرعه ..

الستات فى الفليبين معروفين بجمال ولمعان شعرهم و السر فى ده هو الصبار .. هاتى ورقة صبار و افتحيها وخدى قلبها ودلكى بيه شعرك و فروة راسك سيبيه فترة من الوقت و بعدين اشطفى شعرك كويس و هتشوفي شعرك صحى و بيلمع..

استراليا: زيت شجرة الشاى لعلاج القشرة :
قشرة الشعر مشكلة كبيرة و منتشرة جدا بين البنات و خصوصا المحجبات بتسبب ضعف الشعر و بتتعب فروة الرأس جدا علشان كده واحدة من اشهر طرق علاج قشرة الشعر فى استراليا هى استخدام زيت شجرة الشاى و الطريقة ببساطة هى استخدام كمية بسيطة من زيت شجرة الشاى و تدليك فروة الرأس بيه و تركه فترة على الشعر قبل ما تخدى حمام و ده لانه الزيت بيقوم بترطيب فروة الرأس و بيمنع زيادة القشرة و مع الاستخدام المنتظم بيقضى عليها تماما..زيت شجرة الشاى تقدرى تلاقيه بسهولة فى محلات العطارة ..

الصين : مياة الارز كغسول للوجه :
فى الصين الستات بيستخدموا مياة الارز كغسول لوجههم لانه المياة دى قادرة على تنضيف الوش بعمق و كمان شد التجاعيد و تقليل الانتفاخات انقعى مقدار من الارز فى مياة فاترة لمدة 20 دقيقة صفى الارز من المياة وبعدين بقطعة قماش قطنية مررى المياة على وشك كررى الوصفة دى اسبوعيا ..

الهند : زيت جوز الهند لشعر صحى ولامع :
استخدمى زيت جوز الهند الدافئ على شعرك و بيكون خفيف شوية على شعرك ودلكى بيه فروة راسك فى حركة دائرية علشان يعزز نمو و تقوية جذور شعرك استخدم جوز الهند الدافى واحد من اهم اسرار طول و جمال الشعر عند الستات الهنود ..

اسبانيا : التخلص من الهالات السوداء :
واحد من اسرار الجمال فى ايطاليا هو استخدام شرائح البطاطس لعلاج الهالات السوداء تحت العين استخدمى الطريقة دى فى روتين العناية ببشرتك اليومى هتلاحظى الفرق مع الاستخدام المستمر ..

مصر : حمام العسل و اللبن :
علشان نكمل اسرار جمالك من مختلف بلاد العالم لازم مننساش مصر .. حمام العسل و اللبن معروف من ايام الملكة كليوباترا و رغم انه مكلف جدا الا انه فوايده هايلة للبشرة و الشعر ..