الحلقة السادسة :احصلى على شفايف وردية بشكل طبيعى لنهال هشام

في عوامل كتير في حياتنا بتأثر على الشفايف بشكل سلبي بحيث بتبقى متشققة و لونها غامق،زي التعرض للشمس و التلوث اللي في الجو، ممكن شرب السجاير او شرب القهوة بشكل مستمر، و كمان قلة شرب المية..

لكن ده مش معناه انك ماتقدريش تغيري الموضوع ده بشوية طرق بسيطة تلتزمي بيها

1- أول حاجة اول حاجة يعني دي و سهلة جدا و مبنحطهاش في بالنا كتير مع ان الاستمرار فيها بيعمل فرق جامد هي السكرب.
طريقتين من السكرب بقى يا اما انك تعملي سكرب سهل جدا بفرشة اسنان مبلولة و انتي بتغسلي اسنانك لكم دقيقة كدا. او تحطي طبقة مرطب شفايف تقيلة زي labello مثلا و تسيبيه دقيقتين تلاتة يرطب شفايفك و بعدين بفرشة السنان ( ماتكونش ناشفة) تعملي سكرب شفايفك
2- تاني طريقة لعمل سكرب، انك تعملي سكرب طبيعي. بأنك تجيبي معلقتين سكر أبيض او سكر بني و عليه معلقة زيت جوز هند و معلقة عسل. اعملي سكرب من 30 ثاينة ل دقيقة و بعدين اغسلي شفايفك بمية دافية

بتحتاجي تعملي السكرب بشكل أسبوعي روتيني علشان يبان اثُرها على المدى البعيد
3- ممكن بقى ننتقل لجزئية الماسكات الطبيعية لتفتيج الشفايف و اول ماسك هو باستخدام بعصير الرمان. بتضربي الرمان في الخلاط و بعدين تاخدي العصير على جنب و تجيبي قطنة و تستخدميه على شفايفك بشكل يومي و تسيبي الباقي في الفريزر. الرمان في مواد معروفة بقدرتها على تفتيح البشرة و الأماكن الحساسة و الوش عموما و بيدي لون بمبي طبيعي للشفايف
4- باستخدام بتلات الورد البلدي  الورد اللي أصلا بيتعمل منه مية الورد
بتجيبي من 6 ل 7 بتلات ورد بلدي و نص كوباية حليب سايل. الطريقة سهلة جدا، هتنقعي بتلات الورد في الحليب طول الليل و تاني يوم الصبح هتصفيهم و بعدين تهرسيهم و ممكن تزودي عليها نقطتين حليب لو حسيتهم ناشفين اوي. الطريقة بقى بتستخدمي بشكل يومي تحطي على شفايفك قبل ما تنامي و تصحي تغسلي وشك عادي جدا هيفتح لون شفايفك و يخليها بمبي.
5- تعملي مرطب شفايف طبيعي بالبنجر الطريقة سهلة جدا، بتجيبي نصف معلقة بودرة بنجر، معلقتين زيت زيتون،معلقة شمع نحل،و معلقة زبدة شيا او زبدة كاكاو خام.
بتحطي شمع النحل و زبدة الشيا او زبدة الكاكاو الخام مع زيت الزيتون في برطمان و تحطيهم في حلة مليانة مية على النار.. لما المية تبتدي تسخن هيبتدوا يسيحوا على بعض، تزودي بودرة البنجر ساعتها و تقلبي. و بعدين ممكن تحطيه في اي علبة صغيرة فاضية عندك و تستخدميه بشكل يومي. البنجر بيسيب لون احمر طبيعي على الشفايف و كمان بيقلل لونها الغامق بشكل طبيعي لأنه فيه فيتامين سي. و زيت الزيتون و زبدة الشيا او زبدة الكاكاو بيرطبوها بشكل طبيعي. و شمع النحل بيعمل واقي طبيعي من المؤثرات الخارجية.

لــ نهال هشام

مقالات ذات صلة:

• الحلقة الأولى : حمام بخار فى بيتك زى السبا لنهال هشام
• الحلقة الخامسة:اهم الزيوت المستخدمة للبشرة لنهال هشام
• نظام يومي وشهري للعناية ببشرة لــ نهال هشام
• خدمات عيادة اسنان Guarantee
• طرق فعالة للإستمتاع برائحة البرفان لوقت أطول
• استبدالي غسول الوجه بالزيوت الطبيعية – لـ نهال هشام
• 25 فائدة لزيت الشاى لازم تعرفيهم ترجمة نهال هشام
• الحلقة الرابعة : الجزء الاول البشرة الجافة وازاى تتعاملى…