اختلافك سر حبى ليكى

ساره مشكلتها الوحيده انها كانت قصيره

و اصحبها كانو على طول بيتكلموعلى قصرها ويضحكو

كانت بتزعل من جواها بس بتضحك قدمهم
مع ان قصرها كان ميزه بالنسبه لكل الى حوليها لانها مختلفه
لكن هى كانت شايفه غير كده

فى يوم راحت المدرسه وزى عادتها خايفه لحد يشوفها
واحد زميلها شفها من بعيد اعد يضحك عليها

وقرب ووقف جمبها مستغرب من فرق الطول


وفى يوم المدرس قال لازم كل يوم يبقى فى اتنين من الفصل
مسؤلين عن نظافه الفصل
الى يمسح السبوره والى يلم الكراريس

وقع حظها فى الولد الى كل ميشوفها يضحك ويضحك الفصل عليها
لانه اطول ولد فى الفصل وهى اقصر بنت فى الفصل


اتفق معاها هى الى هتمسح السبوره وهوالى هيلم الكراريس

كانت عايزه تتخانق معاه وحست انه بيستفزها وفقت

ولسه هتمسح السبوره حست ان فى حد وراها

بتبص لاقته بيذوقها وبيمسح هو السبوره
استغربت وقالت مهو شكلو طيب اهو

بعدها قال انا مسحت السبوره
لانك مكنتيش هطولى نصها اصلا
واعد يضحك ويضحك الفصل كله عليها

اتغاظت وكانت عايزه تقوم تتف فى افاه تحرقه
بس مسكت نفسها وقالت معلش

هو مكنش بيحبها ولا يعرف يعنى ايه حب لسه
بس اعراض الحب كانت باينه عليه

وفى يوم اتفق مع اصحابه
انها هتقوله بحبك قدمهم
راح وقرب عليها وقلها انا بحبك
وانتى ؟

من توترها وعشان كانت فهمه ان كلمه بحبك
دى كلمه عيب و متنفعش تتقال ضربته بالقلم وجريت
اتصدم والفصل كله اندهش

اتجنن وحلف ميه يمين ليخليها تيجى لحد عنده تتاسفله وتقوله انا بحبك
اتفق مع اصحابه ان الرهان لسه شغال وتحدى هتجيلى لحد عندى

استنا يوم واتنين وتلاته تيجى تتاسفله
وهى ولا كان فى دمغها وعايشه حياتها عادى

خرج مع اصحابه وقلهم انا هتجنن
طيب انا هعملها مفجاه والبنات بتحب المفاجات
اتفق مع اصحبها انهم يجبوها وهى مش عرفه
وكتبلها على ورق كتير بحبك 

اصحابو اندهشو واعدو يقولو
معقول كل ده تمثيل ولا هو بيحبها بحد ؟

اضيقت و مشيت و سابت اصحبها وروحت

اتجنن اكتر وقعد يقول لا دى مش بنت
دى يا اما مجنونه يا اما بارده
يا اما مش طبيعيه

ساره كانت رفضه كلمه بحبك لانها مبتحبش الرومانسيه
او بمعنى تانى بتعتبرها حاجه كبيره مش عايزه تدخل فيها
هى اخرها تتكلم كلام اخوات اصحاب لكن بحبك دى لا

هو  كان بدأ يحبها بجد
بس مش عايز يعترف بده قدام اصحابه
عشان كرمته وعشان الى حصل

غابت فتره عشان كانت تعبانه حس ان قلبه وجعه
وعلى طول بيفكر فيها وهيتجنن ويطمن عليها


اول مرجعت بدات تبص نحيته وهو مش واخد باله

اول لما عرفت من اصحبها انه سال عليها كتير
بدات تحس انها بتحبه من بعيد لبعيد

وقررت انها تتاسفله على الى حصل منها

قالت انا زى مضربته قدام الكل لازم اتاسفله قدام الكل بردو
قامت وهو مدى وشه الناحيه التانيه

وفجأه
لاقاها بتقوله انا اسفه
استغرب وحس ان قلبه بيدق اوى وهى بتبصله

اصحابه صرخو
وقالو ايوووه بقى برافو عليك عملت كده ازاى
اتصدمت وسكتت وهو بقى مش عارف يفهمها


جريت واعدت تعيط وقررت انها تعتبره مش موجود
بقى كل يوم يشوفها وعايز يروح يفهمها الموضوع
بس فى نفس الوقت كبريائه مش مخليه يعمل كده

هو حافظ على كبريائه وضيعها
وهى فهمت غلط وكرهتو

هو كبر وعاش حياته ومنساش طول عمره اول حب فى حياته
وهى كبرت وعاشت حياتها وفضلت طول عمرها شيفاه
حد غلطت انها عرفته وندمانه بمعرفته

بطلتنا حرمت تحب حد تانى وبقت شايفه ان الحب عباره عن لعب عيال 
ومع ذالك الكلام سهل واكيد هتقع فى حب تانى بس مش بسهوله
ياترى كل الحب عباره عن طرف اقوى وطرف اضعف
ولا الحب الزياده هو الى بيخلى طرف ضعيف عن الطرف التانى 
واول لما يكرهو يلاقى نفسه بترجعله قوته الى كانت رايحه منه ؟

ملحوظه : كتير من الناس بيخاف يعترف بغلطه
عشان كبريائه وكرمته

البنت : مش لازم يوم متحبى تحبى اوى
وتبقى شايفه الطرف التانى ملاك مش بشر

الحب الاعمى انك تحبى الى قدامك وانتى مش شايفه عيوبه
وفجاه تتصدمى انه فيه عيوب زيك عادى

الحب انك تبقى عارفه عيوب الى قدامك ومع ذالك بتحبيه
سعتها لما تحبى تبعدى مش هيبقى صعب لانك عارفه عيوبه
وهو عارف عيوبك ومحصلش نصيب

لكن لو عشتى عاميه شيفه الطرف التانى ملاك مش على الارض
اكيييد هتتصدمى فى يوم صدمه عمرك

مقالات ذات صلة:

• سـأكـسر جـبروت الـدنيـا بـإبـتسامـة .
• وصية الام
• للبنات وضع خاص
• ازاى تبقى فتاه احلام شريك حياتك
• روحين فى حكاية بقلم اسماء عبدالله
• دموع النساء
• جيل ملوش ملامح
• عمرك ما تستهون بالست ” إن كيدهن عظيم “