قصة بنت فى التلاتيات
احب اعرفكم بنفسى
انا بنت عدت التلاتين بسنوات قليلة
يتيمة الابوين
ملهاش اخوات
عايشة فى شقة بابا اشتراها فى منطقة كانت ارستقراطية وتحولت لشعبية
شغالة فى هيئة حكومية بمؤهلى الى كان عالى من 12 سنين وليه قيمته
محصلش نصيب انى اتجوز واحب زى بقيت البنات
ودمرت الاورام فرصتى الباقية انى ابقى ام
رضيت بحالى وسكت
بس المجتمع الى مش راضى
ازاى يرضى ان بنت تعيش لوحدها!
بدات بالستات الكبيرة الى تمصمص شفايفها وربنا يرزقك يابنتى
والرجالة الكبيرة البصباصة الى عنيهم ماتتشلش من عليا فى الرايحة والجاية
والستات الى خايفة على اجوازهم منى وعلى ولادهم انى احسدهم
واجواز الستات الى فاتوا دول الى شايفنى لقمة سهلة و لعبة يلعبوا بيها
وانتهت بقى من الشباب الطايش فى المعاكسات الى فى الرايحة والجاية وانتى تطولى اننا نبصلك
طب اقول ايه واعمل ايه
لا قعادى لوحدى بايدى
ولا موت ابويا وامى بايدى
ولا جوازى بايدى
مش بلاقى حاجة اعملها غير انى اتقرب لربنا هو اعلم بحالى
طلبى بس من الناس الى حواليا
سيبونى فى حالى
لا انا عايزة اتجوز
ولا هاحسد ولادكم
ولا عايزاكم تبصولى عايزة
بس ارضى ربنا فى سنواتى الى جاية الى هاعيشها وحيدة
وخوفى الوحيد ان لو حصلى حاجة محدش يحس بيا
مقالات ذات صلة:
- روحين فى حكاية بقلم اسماء عبدالله
- اختلافك سر حبى ليكى
- حكايه بنت توفت , اقراوها للاخر
- سلسة حكايات بنات الجزء الاول
- جيل ملوش ملامح
- حب لا يموت
- سـأكـسر جـبروت الـدنيـا بـإبـتسامـة .
- عمرك ما تستهون بالست ” إن كيدهن عظيم “
إرسال التعليق