استخدامات مبتكرة للمانيكير

كلنا تقريبا بنحب المانيكير وبندور دايما على جديد في رسومات المانيكير عشان نخلي ضوافرنا شكلها حلو ومختلف بس المانيكير استخداماته مش بس عشان نرسم بيه ضوافرنا لكن ليه استخدامات تانية كتير مفيدة ..

تصليح الشوز:

من المشاكل بردوا اللي بتقابلنا تقشير  الشوز وبيخلي شكلها مش حلو وطبعا بنبطل نلبسه لكن احنا هنخليكي ترجعي تلبسيه تاني بحيلة المانيكير انك تجيبي مانيكير نفس لون الشوز وتدهني التقشير  بيه هيرجع جديد تاني ..

تلوين كفر الموبايل:

ممكن تدي الموبايل بتاعك لوك مختلف انك تلوني الكفر بتاعة بالمانيكير ممكن تختاري مجموعة الوان مانيكير من اللي انتي بتحبيها وتعمليها على شكل خطوط تحت بعض بالوان مختلفة وممكن تستخدمي مانيكير عادي وجليتر مع بعض وتعملي خط مانيكير عادي وخط جليتر مثلا او تعملي عليه نقط بالوان مختلفة او تبتكري انتي اي تصميم تحبيه ..

تلوين المفاتيح:

لو عندك مجموعة مفاتيح شبه بعض ممكن تلوينهم بالمانيكير كل مفتاح بلون عشان تعرفي تفرقي بينهم او حتى تلوينهم عشان تديهم شكل حلو ومختلف وشكل بناتي يعني عشان احنا بنحب ندلع كل حاجة ونديها لوك بناتي مختلف ..

تلوين بنس الشعر:

ممكن بقى تعملي بالمانيكير لوك مختلف لبنس الشعر لو زهقتي من شكلهم التقليدي او لو عايزة تعملي لون البنس زي لون لبسك او لون الميكب بتاعك تقدري تلوينهم بالمانيكير باي لون انتي عايزاة وتديهم لوك حلو ومختلف وهيبقى شكلهم حلو جدا على الشعر..

لاخفاء خدش العربية:

ممكن نستخدم المانيكير في تصليح خدش العربية لو عربيتك اتخدشت ودي بتحصل كتير جدا وطبعا الخدش ده بيسبب لنا ازمة لان كل البنات بيحبوا دايما يحافظوا على حاجتهم وميكونش فيها اي غلطة وعشان متكونيش متضايقة من الخدش ده احنا جيبنالك الحل هاتي مانيكير بنفس لون العربية وادهني بيه الخدش هيختفي تماما ..

مقالات ذات صلة:

• كيف تختارين ملابس تليق علي بشرتك ؟
• كيف نتخلص من عادة قضم الأظافر ؟
• 4 طريق طبيعية ‏لاظافر‬ صحية وقوية
• 6 خدع لازم كل ست بيت تعرفها
• 15 استخدام للمانيكير لم تعرفيها من قبل
• استخدامات جديدة للمشابك
• استخدامات مختلفة للبيبي بودر
• فوائد زيت الجوجوبا